Dialogue ਸੰਵਾਦ

1. ਏਸ ਸ਼ਹਿਰ ਵਿੱਚ ਹਰ ਇਕ ਬੰਦਾ ਰੁਝਿਆ ਰੁਝਿਆ ਲਗਦਾ ਹੈ।
   ਅੰਦਰੋਂ ਐਪਰ ਹਰ ਇਕ ਬੰਦਾ ਟੁਟਿਆ  ਟੁਟਿਆ ਲਗਦਾ ਹੈ।
2. ਤਾਜ਼ੇ ਦੁਧ ਦੀ ਮਹਿਕ ਜਹੇ ਸਨ ਮਾਖਿਓਂ ਮਿਠੇ ਲਗਦਾ ਸਨ
   ਅੱਜ ਕਿਉਂ ਹਰ ਇਕ ਰਿਸ਼ਤਾ ਏਥੇ ਬੁੱਸਿਆ ਬੁੱਸਿਆ ਲਗਦਾ ਹੈ।
3. ਜਗਦੇ ਦੀਵੇ ਨੂੰ ਕੀ ਆਖਾਂ ਸੇਕ ਨਹੀਂ ਨਾ ਲੋਅ ਏਥੇ
   ਇਹ ਵੀ ਆਪਣੇ ਚਾਨਣ ਕੋਲੋਂ ਬੁਝਿਆ ਬੁਝਿਆ ਲਗਦਾ ਹੈ।
4. ਕਲ੍ਹ ਤੱਕ ਮੇਰੇ ਜਾਣ ਲਈ ਜੋ ਅਖੀਉਂ ਨੀਰ ਵਹਾਂਦੇ ਸਨ
   ਆਪਣੇ ਘਰ ਦਾ ਹਰ ਦਰਵਾਜ਼ਾ ਰੁਸਿਆ ਰੁਸਿਆ ਲਗਦਾ ਹੈ।
5. ਰਸਤੇ ਰਿਸ਼ਤੇ ਬਦਲ ਗਏ ਨਾ ਰਾਹ ਲੱਭਿਆ ਨਾ ਰਸਤਾ ਹੀ
   ਮੈਨੂੰ ਤਾਂ ਹਰ ਰਸਤਾ ਰਾਹੋਂ ਘੁਸਿਆ ਘੁਸਿਆ ਲਗਦਾ ਹੈ।
6. ਏਸ਼ ਸ਼ਹਿਰ ਵਿੱਚ ਸਾਹ ਕੀ ਲੈਣਾ ਹਰ ਪਾਸੇ ਬਦਖੋਹੀ ਹੈ
   ਆਪਣੇ ਨੱਕ ਦੀ ਖਾਤਰ ਹਰ ਇਕ ਘੁੱਟਿਆ ਘੁੱਟਿਆ ਲਗਦਾ ਹੈ।
7. ਧੁੱਪ ਦੀ ਕਾਤਰ ਜਦੋਂ ਮਿਲੀ ਤਾਂ ਮੇਰੇ ਗੱਲ ਲੱਗ ਕੇ ਰੋਈ
   ਆਪਣੀ ਛਾਂ ਤੋਂ ਹਰ ਇਕ ਬੰਦਾ ਟੁੱਟਿਆ ਟੁੱਟਿਆ ਲਗਦਾ ਹੈ।