ਗ਼ਜ਼ਲ
ਨੀਹਾਂ ਵਿੱਚ ਖਰਾਬੀ ਕਿਥੇ ਰਹਿ ਗਈ ਏ।
ਘਰ ਵਿੱਚ ਘਰ ਦੀ ਚਾਬੀ ਕਿੱਥੇ ਰਹਿ ਗਈ ਏ।
ਘਰ ਵਿੱਚ ਘਰ ਦੀ ਚਾਬੀ ਕਿੱਥੇ ਰਹਿ ਗਈ ਏ।
ਸ਼ਬਦਾਂ ਖਾਤਰ ਰਿਸ਼ਤੇ ਅਸੀਂ ਗਵਾ ਬੈਠੇ
ਭੂਆ ਚਾਚੀ ਭਾਬੀ ਕਿਥੇ ਰਹਿ ਗਈ ਏ।
ਭੂਆ ਚਾਚੀ ਭਾਬੀ ਕਿਥੇ ਰਹਿ ਗਈ ਏ।
ਆਪਣੇ ਦੇਸ ਚ’ ਬੋਲੀ ਆਪਣੀ ਭੁੱਲ ਬੈਠੇ
ਦਸੇ ਕੋਈ ਪੰਜਾਬੀ ਕਿਥੇ ਰਹਿ ਗਈ ਏ।
ਦਸੇ ਕੋਈ ਪੰਜਾਬੀ ਕਿਥੇ ਰਹਿ ਗਈ ਏ।
ਘਰ ਦੇ ਮਾਲਕ ਜਾ ਪਰਦੇਸੀਂ ਬੂਹੇ ਤੇ
ਸਾਹਬੀ ਕਿਤੇ ਨਵਾਬੀ ਕਿੱਥੇ ਰਹਿ ਗਈ ਏ।
ਸਾਹਬੀ ਕਿਤੇ ਨਵਾਬੀ ਕਿੱਥੇ ਰਹਿ ਗਈ ਏ।
ਸਿਰ ਦੇ ਵਾਹ ਕੇ ਪਟੇ ਤੰਗ ਪਤਲੂਨਾਂ ਵਿੱਚ
ਉਸ ਦੀ ਪੱਗ ਉਨਾਬੀ ਕਿੱਥੇ ਰਹਿ ਗਈ ਏ।
ਉਸ ਦੀ ਪੱਗ ਉਨਾਬੀ ਕਿੱਥੇ ਰਹਿ ਗਈ ਏ।
ਖਾ ਲਿਆ ਪਿੰਡ ਦਿਆਂ ਰਾਹਾਂ ਨੂੰ ਹੁਣ ਬੂਟਾਂ ਨੇ
ਵੇਖ ਜ਼ਰਾ ਗੁਰਗਾਬੀ ਕਿਥੇ ਰਹਿ ਗਈ ਏ।
ਵੇਖ ਜ਼ਰਾ ਗੁਰਗਾਬੀ ਕਿਥੇ ਰਹਿ ਗਈ ਏ।
ਬੰਦ ਕਰਕੇ ਦਰਵਾਜ਼ੇ ਕਾਹਤੋਂ ਬੈਠ ਗਏ,
ਅੱਜ ਮਿਤਰਾਂ ਦੀ ਲਾਬੀ ਕਿਥੇ ਬਹਿ ਗਈ ਏ।
ਅੱਜ ਮਿਤਰਾਂ ਦੀ ਲਾਬੀ ਕਿਥੇ ਬਹਿ ਗਈ ਏ।
No comments:
Post a Comment