ਗੁਰਦੀਪ ਸਿੰਘ
ਐਵੇਂ ਕਿਉਂ ਘਰ ਨੂੰ ਲਿਸ਼ਕਾਈ ਜਾਂਦੇ ਹੋ।
ਸਧਰਾ ਦਾ ਖਰਚਾ ਕਰਵਾਈ ਜਾਂਦੇ ਹੋ।
ਕਲ੍ਹ ਤੀਕਰ ਜੋ ਸਾਂਭ ਸਾਂਭ ਕੇ ਰੱਖੇ ਸਨ
ਸੁਪਨੇ ਕਚਰੇ ਵਿਚ ਸੁਟਵਾਈ ਜਾਂਦੇ ਹੋ।
ਸੁਪਨੇ ਕਚਰੇ ਵਿਚ ਸੁਟਵਾਈ ਜਾਂਦੇ ਹੋ।
ਆਪਣੇ ਹਥੀਂ ਲਾ ਕੇ ਵੱਡੇ ਕੀਤੇ ਸਨ
ਹੁਣ ਸਾਰੇ ਜੰਗਲ ਕਟਵਾਈ ਜਾਂਦੇ ਹੋ।
ਹੁਣ ਸਾਰੇ ਜੰਗਲ ਕਟਵਾਈ ਜਾਂਦੇ ਹੋ।
ਆਪਣੇ ਅੰਦਰ ਦੇ ਜੰਗਲ ਨੂੰ ਤਕਿਆ ਨਹੀਂ
ਬਾਹਰ ਸੱਭ ਨੂੰ ਅਗ ਲਵਾਈ ਜਾਂਦੇ ਹੋ।
ਬਾਹਰ ਸੱਭ ਨੂੰ ਅਗ ਲਵਾਈ ਜਾਂਦੇ ਹੋ।
ਕੀ ਖਾਵੋਗੇ, ਕਿੱਦਾ ਵਕਤ ਲੰਘਾਵੋਗੇ
ਖੇਤਾਂ ਵਿਚ ਵੀ ਸ਼ਹਿਰ ਵਸਾਈ ਜਾਂਦੇ ਹੋਂ।
ਜੀਅ ਕਰਦਾ ਹੈ ਸਾਰਾ ਚਾਨਣ ਸਾਂਭ ਲਵਾਂ
ਅੰਨ੍ਹਿਆਂ ਵਿੱਚ ਵਾਧਾ ਕਰਵਾਈ ਜਾਂਦੇ ਹੋ।
ਅੰਨ੍ਹਿਆਂ ਵਿੱਚ ਵਾਧਾ ਕਰਵਾਈ ਜਾਂਦੇ ਹੋ।
ਆਪਣਾ ਵੀ ਘਰ ਆਪੇ ਢਾਹੀ ਜਾਂਦੇ ਹੋ।
No comments:
Post a Comment