ਗੁਰਦੀਪ ਸਿੰਘ
- ਤੇਰੇ ਲਈ ਇਹ ਬੱਦਲ ਕਿਣ-ਮਿਣ ਕਰਦੇ ਰਹੇ।
ਮੇਰੇ ਲਈ ਅੱਖੀਆਂ ਚੋਂ ਰਾਤੀਂ ਝਰਦੇ ਰਹੇ।
- ਰੋਂਦੀ ਰਹਿ ਗਈ ਛੱਤ ਨਸੀਬਾਂ ਮਾਰੇ ਦੀ
ਬੱਦਲ ਪੱਕੀਆਂ ਛੱਤਾਂ ਉਪਰ ਵਰ੍ਹਦੇ ਰਹੇ।
- ਵੇਖ ਘਟਾਵਾਂ ਪੈਲਾਂ ਪਾਈਆਂ ਮੋਰਾਂ ਨੇ
ਆਲ੍ਹਣਿਆਂ ਵਿਚ ਐਪਰ ਪੰਛੀ ਡਰਦੇ ਰਹੇ।
- ਜਦ ਤੋਂ ਉਹਨਾਂ ਨੇ ਸਿਰਨਾਵਾਂ ਬਦਲ ਲਿਆ
ਸੁਪਨੇ ਸੀ ਨਾ ਆਪਣੇ ਰਹੇ ਨਾ ਘਰ ਦੇ ਰਹੇ।
- ਰੁੱਖਾਂ ਨੂੰ ਹੁਣ ਦੇਸ਼ ਨਿਕਾਲਾ ਹੋਵੇਗਾ
ਸਹਿ ਕੇ ਧੁੱਪਾਂ ਜਿਹੜੇ ਛਾਂਵਾਂ ਕਰਦੇ ਰਹੇ।
- ਪੁਛਾਂਗੇ ਦਰਿਆਵਾਂ ਨੂੰ ਕੋਈ ਖਬਰ ਦਿਉ
ਕੱਚਿਆਂ ਉਪਰ ਕਿਹੜੇ ਕਿਹੜੇ ਤਰਦੇ ਰਹੇ।
No comments:
Post a Comment