ਜੰਗਲ

 

ਜੰਗਲ ਹੈ ਚਾਰੇ ਪਾਸੇ
ਜੰਗਲ ਹੈ ਆਸੇ ਪਾਸੇ
ਜੰਗਲ ਹੈ ਇਕ ਰੁੱਖਾਂ ਦਾ
ਜੰਗਲ ਹੈ ਮਨੁੱਖਾਂ ਦਾ

ਜੰਗਲ ਹੈ ਕੁਝ ਭੁਖਾਂ ਦਾ

ਜੰਗਲ ਹੈ ਕੁਝ ਦੁਖਾਂ ਦਾ

ਜੰਗਲ ਹੈ ਇਹ ਸੁੱਖਾਂ ਦਾ
ਜੰਗਲ ਹੈ ਧਰਵਾਸਾਂ ਦਾ

ਜੰਗਲ ਹੈ ਵਿਸ਼ਵਾਸਾਂ ਦਾ
ਜੰਗਲ ਹੈ ਜੇ ਰੂਹਾਂ ਦਾ

ਜੰਗਲ ਹੈ ਜੋ ਜੂਹਾਂ ਦਾ

ਜੰਗਲ ਮੇਰੀਆਂ ਲੋਚਾਂ ਦਾ
ਜੰਗਲ ਮੇਰੀਆਂ ਸੋਚਾਂ ਦਾ

ਜੰਗਲ ਚਿੱਟੇ ਕਪੱੜੇ ਦਾ
ਜੰਗਲ ਟੁਕੜ-ਬੋਚਾਂ ਦਾ
ਜੰਗਲ ਮੇਰੇ ਅੰਦਰ ਹੈ
ਜੰਗਲ ਮੇਰੇ ਬਾਹਰ ਹੈ

ਜੰਗਲ ਰੱਬ ਦੇ ਨਾਂਵਾਂ ਦਾ

ਜੰਗਲ ਉਸ ਦੀਆਂ ਥਾਂਵਾਂ ਦਾ

ਜੰਗਲ ਉਸ ਦੇ ਰਾਹਵਾਂ ਦਾ
ਜੰਗਲ ਭੈਣ ਭਰਾਵਾਂ ਦਾ

ਜੰਗਲ ਆਪਣੇ ਚਾਵਾਂ ਦਾ

ਜੰਗਲ ਆਪਣੇ ਸਾਹਵਾਂ ਦਾ
ਜੰਗਲ ਪਿਛੇ ਛੱਡੇ ਦਾ

ਜੰਗਲ ਮਨ ਚੋਂ ਕੱਢੇ ਦਾ
ਜੰਗਲ ਸ਼ਹਿਰੀ ਵੱਸਦੇ ਦਾ
ਖਾਲੀ ਹਾਸੇ ਹੱਸਦੇ ਦਾ
ਜੰਗਲ ਪਿਛਾ ਛੱਡੇ ਨਾ
ਜੰਗਲ ਮਨ ਚੋਂ ਕਢੇ ਨਾ
ਜੰਗਲ ਔਧ ਵਿਹਾਈ ਦਾ
ਤਨ ਦੀ ਡੌਲੀ ਪਾਈ ਦਾ
ਅੱਧੀ ਜੂਨ ਹੰਢਾਈ ਦਾ
ਜੰਗਲ ਮਨ ਦੀ ਗਰਮੀ ਦਾ
ਜੰਗਲ ਹਰ ਬੇਸ਼ਰਮੀ ਦਾ
ਧਰਮੀ ਦਾ ਅਧਰਮੀ ਦਾ
ਜੰਗਲ ਪਿੱਛਾ ਛੱਡੇ ਨਾ
ਜੰਗਲ ਪਿੱਛਾ ਛੱਡੇ ਨਾ।