ਪੌੜੀ ਦਾ ਹੇਠਲਾ ਡੰਡਾ

ਗੁਰਦੀਪ ਸਿੰਘ / 9878961218

ਹਰ ਕੋਈ ਪੌੜੀ ਫੜ ਕੇ

ਪੌੜੀ ਚੜ੍ਹ ਕੇ

ਸੱਭ ਉਚਾਈਆਂ ਛੂਹਣਾ ਚਾਹੇ

ਜੋ ਜਾਵੇ ਉਹ ਪਰਤ ਨਾ ਥਲੇ ਆਵੇ

ਪਰ ਪੌੜੀ ਦਾ ਡੰਡਾ

ਸੱਭ ਤੋਂ ਹੇਠਾਂ

ਸੱਭ ਤੋਂ ਹੇਠਾਂ ਰਹਿ ਕੇ

ਸੱਭ ਦਾ ਰਾਹ ਬਣਾਵੇ

ਡੰਡਾ ਡੰਡਾ ਜੁੜ ਕੇ ਹੀ

ਤਾਂ ਪੌੜੀ ਬਣਦੀ ਹੈ

ਤੇ ਪੌੜੀ ਦੇ ਸਾਰੇ ਡੰਡੇ

ਆਪੋ ਦੇ ਵਿੱਚ

ਤੱਕਦੇ ਰਹਿੰਦੇ

ਸੁਣਦੇ ਰਹਿੰਦੇ

ਸੋਚਣ ਲੱਗਦੇ

ਜੋ ਚੜ੍ਹਦਾ ਹੈ

ਪਰਤ ਕਦੇ ਨਾ ਆਵੇ।

ਪੌੜੀ ਉੱਥੇ ਦੀ ਉੱਥੇ ਹੈ

ਖੜੀ ਖੜੋਤੀ

ਢੇਰ ਪੁਰਾਣੀ ਹੁੰਦੀ ਜਾਵੇ

ਚਿਰ ਮਿਰ ਕਰਦੀਚੂੰ ਚੂੰ ਕਰਦੀ

ਪੈਰ ਪੈਰ ਲਈ ਰਾਹ ਬਣਾਉਂਦੀ

ਚਿੱਕੜ ਲਿਬੜੀ

ਝੁਰਦੀ ਰਹਿੰਦੀ

ਤੇ ਪੌੜੀ ਦਾ ਥੱਲੜਾ ਡੰਡਾ।