ਮੁਹੱਬਤ ਦਾ ਸਮੁੰਦਰ ਹਰ ਕਿਸੇ ਤੋਂ ਤਰ ਨਹੀਂ ਹੁੰਦਾ।
ਬੇਦਾਅਵਾ ਲਿਖ ਨਹੀਂ ਹੁੰਦਾ ਤੇ ਦਾਅਵਾ ਕਰ ਨਹੀਂ ਹੁੰਦਾ।
ਮੈਂ ਜਗਦੇ ਜੁਗਨੂੰਆਂ ਦੀ ਲੋਅ ਬਨੇਰੇ ਤੇ ਸਜਾ ਆਇਆ
ਕਿ ਚਾਨਣ ਕਰ ਨਹੀਂ ਹੁੰਦਾ ਹਨੇਰਾ ਜਰ ਨਹੀਂ ਹੁੰਦਾ।
ਤੁਸਾਂ ਦੀ ਤਾਂਘ ਹੈ ਦਿਲ ਨੂੰ ਚਲੇ ਆਉ ਚਲੇ ਆਓ
ਇਕੱਲੇ ਜੀ ਨਹੀਂ ਹੁੰਦਾ ਇਕੱਲੇ ਮਰ ਨਹੀਂ ਹੁੰਦਾ।
ਮੈਂ ਜਦ ਵੀ ਝਾਗ ਕੇ ਪੈਂਡਾ ਉਹਦੇ ਘਰ ਤੀਕ ਹਾਂ ਆਇਆ
ਕਦੇ ਉਹ ਘਰ ਨਹੀਂ ਹੁੰਦਾ ਕਦੇ ਉਹ ਘਰ ਨਹੀਂ ਹੁੰਦਾ।
ਹੈ ਸਾਡੀ ਪਿਆਸ ਦਾ ਸਾਰਾ ਸਫ਼ਰ ਮਾਰੂਥਲਾਂ ਵਰਗਾ
ਕਿ ਰੋਹੀਂ ਦੇ ਥਲਾਂ ਅੰਦਰ ਕਿਸੇ ਦਾ ਡਰ ਨਹੀਂ ਹੁੰਦਾ।
ਸੰਵਾਦ ਸੰਵਾਦ ਲਈ... ਜੀਉਂਦੇ ਰਹਿਣ ਲਈ
Tuesday, June 21, 2011
ਗ਼ਜ਼ਲ
Subscribe to:
Post Comments (Atom)
sweet sir...
ReplyDelete