ਬੱਲੇ ਨੀ ਪੰਜਾਬ ਦੀਏ ਸ਼ੇਰ ਬੱਚੀਏ!

ਬੱਲੇ ਨੀ ਪੰਜਾਬ ਦੀਏ ਸ਼ੇਰ ਬੱਚੀਏ!

ਗੁਰਦੀਪ ਸਿੰਘ

ਮੈਂ ਧੀ ਪੰਜਾਬ ਦੀ
ਸੋਹਲ
ਸੁਨੱਖੀ
ਸੁਬਕ ਪੈਰਾਂ ਨਾਲ
ਮਟਕ ਮਟਕ ਤੁਰਦੀ
ਸੰਦਲੀ ਪੈੜਾਂ ਸਿਰਜਦੀ
ਹਵਾ ਨਾਲ ਗੱਲਾਂ ਕਰਦੀ
ਚੰਨ ਦੀਆਂ ਬਾਤਾਂ ਪਾਉਂਦੀ
ਤੇ ਅੰਬਰ ਦੇ ਤਰਿਆਂ ਨਾਲ ਬਾਤਾਂ ਪਾਉਂਦੀ
ਮੈਂ ਧੀ ਪੰਜਾਬ ਦੀ
ਖੇਤਾਂ ਵਿੱਚ ਜੰਮਦੀਆਂ
ਫ਼ਸਲਾਂ ਦੇ ਵਿੱਚ ਰੀਝਾਂ ਦੀ ਸਰ੍ਹੋਂ ਬੀਜਦੀ
ਕਣਕ ਦੇ ਸਿੱਟਿਆਂ ਨਾਲ ਨਿਸਰਦੀ
ਕਦੇ ਸਮੁੰਦਰੋਂ ਪਾਰ
ਕਦੇ ਸਮੁੰਦਰੋਂ ਆਰ
ਕਦੇ ਆਰ ਨਾ ਪਾਰ
ਕਦੇ ਅੱਧ ਵਿਚਕਾਰ
ਮੈਂ ਪੰਜਾਬ ਦੀ ਧੀ
ਪੰਜਾਬ ਨੂੰ ਪੰਜਾਬੀ ਹੋਣ ਦਾ ਮਾਣ ਦਿੰਦੀ
ਮੈਂ ਕਿਕਲੀ ਪਾਉਂਦੀ
ਹੇਕ ਨਾਲ ਗਾਉਂਦੀ
ਮੈਂ ਢੋਲਿਆਂ
ਮਾਹੀਏ
ਟਪਿਆਂ ਤੇ ਬੋਲੀਆਂ ਦੀ ਜਿੰਦ ਜਾਨ
ਮੈਂ ਪੰਜਾਬ ਦੇ ਸਿਰ ਫੁਲਕਾਰੀ
ਮੈਂ ਗਿੱਧਿਆਂ ਦੇ ਪਿੜ ਬੰਨ੍ਹਦੀ
ਕਈ ਜੁਝਾਰੂਆਂ ਦੇ ਪੈਰਾਂ ਨੂੰ ਨੱਚਣ ਦੀ ਜਾਚ ਸਿਖਾਉਂਦੀ
ਜੀਣ ਦੇ ਰਾਹ ਪਾਉਂਦੀ
ਮੈਂ ਧੜਕਣ ਪੰਜਾਬ ਦੀ
ਮੇਲ੍ਹਦੀ ਸਾਵੀਆਂ ਫ਼ਸਲਾਂ
ਮੌਲਦੀ ਰੁੱਤ ਦੀ ਮਹਿਕ ਮੇਰੇ ਸਾਹਾਂ ਦਾ ਹਿੱਸਾ
ਮੈਂ ਧੀ ਪੰਜਾਬ ਦੀ
ਪੰਜਾਬ ਦੀ ਸ਼ੇਰ ਬੱਚੀ
ਮੈਂ ਪੰਘੂੜਾਂ ਪੰਜਾਬ ਦਾ
ਪੰਜਾਬ ਵੱਸਦਾ ਮੇਰੇ ਅੰਦਰ
ਪੰਜਾਬ ਸਾਹ ਲੈਂਦਾ ਮੇਰੇ ਅੰਦਰ
ਪੰਜਾਬ ਜੰਮਦਾ ਮੇਰੇ ਅੰਦਰ
ਪੰਜਾਬ ਨੂੰ ਬੋਲਣਾ ਸਿਖਾਉਂਦੀ
ਪੰਜਾਬ ਨੂੰ ਲੋਰੀਆਂ ਦੇਵਾਂ
ਪੰਜਾਬ ਗੋਦੀ ਵਿੱਚ ਖਿਡਾਵਾਂ
ਮੈਂ ਨਾ ਹੋਵਾ ਪੰਜਾਬ ਕੀਹਦਾ
ਮੈਂ ਨਾ ਗਾਵਾਂ ਤਾਂ ਪੰਜਾਬ ਕਿਹੜਾ
ਮੈਂ ਪੰਜਾਬ ਦੀ ਧੜਕਣ
ਪੰਜਾਬ ਮੇਰੇ ਸਾਹੀਂ ਜੀਂਦਾ
ਨਾ ਮਾਰ ਮੈਨੂੰ
ਨਾ ਤਾੜ ਮੈਨੂੰ
ਨਾ ਲਿਤਾੜ ਮੈਨੂੰ
ਮਤੇ ਪੰਜਾਬ ਹੀ ਨਾ ਮਰ ਜਾਏ
ਮੈਂ ਪੰਜਾਬ ਦੀ ਸੇਰ ਬੱਚੀ
ਤੂੰ ਕਾਹਦਾ ਪੰਜਾਬੀ
ਜੇ ਮੈਂ ਰਹੀ
ਪੰਜਾਬ ਦੀ ਧੀ
ਪੰਜਾਬ ਦੀ ਜਨਮ ਦਾਤੀ
ਪੰਜਾਬ ਦੀ ਸ਼ੇਰ ਬੱਚੀ।

 

Legacy

On and on it lives on
Through me
it breathes
it lives
I cradle all your dreams
I nurture all your desires
I kindle your fires
I keep you alive
You have fathered me
I shall mother you
holding forth a promise
to keep it on
I keep your spirit alive
Punjab lives on
and lives on its legacy
with me
with me throbs the spirit
with me lives the history
I am
a link between old and new
I connect history to you
and you to history
I cradle a whole civilisation
legacy of love
a legacy of self righteousness
the fiery spirit.
The spirit of Punjab