ਤਰਖਾਣ
ਲਕੜੀ ਵਾਲੇ ਦਾ ਹੈ ਧੰਦਾ
ਇੱਕ ਹੱਥ ਆਰੀ ਦੂਜੇ ਰੰਦਾ
ਕੱਟੀ ਜਾਵੇ ਰੰਦੀ ਜਾਵੇ
ਬੂਰੇ ਦਾ ਉਹ ਢੇਰ ਲਗਾਵੇ
ਪਰ ਜਦ ਲਕੜ ਲਕੜ ਜੋੜੇ
ਕਿੱਲਾਂ ਠੋਕੇ ਨਾਲ ਹਥੋੜੇ
ਕਿੰਨਾ ਕੁਝ ਬਣਾਈ ਜਾਵੇ
ਬੂਹੇ ਖਿੜਕੀਆਂ ਲਾਈ ਜਾਵੇ
ਕਦੇ ਚੁਗਾਠਾਂ ਪਿਆ ਬਣਾਵੇ
ਆਪਣੀ ਕਾਰੀਗਰੀ ਦਿਖਾਵੇ
ਕਦੇ ਕੁਰਸੀਆਂ ਬੈਚ ਤੇ ਮੇਜ਼
ਬੈਠਣ ਦੇ ਲਈ ਦੇਵੇ ਭੇਜ
ਹਰ ਦਿਨ ਉਸ ਦਾ ਵੱਖਰਾ ਰੰਗ
ਕੰਮ ਕਰਨ ਦੀ ਲਗਨ ਤੇ ਢੰਗ
ਵਿਹਲਾ ਕਦੇ ਨਾ ਬੈਠਾ ਤੱਕਿਆ
ਸ਼ਾਮ ਢਲੀ ਤਾਂ ਥੱਕਿਆ ਥੱਕਿਆ।
ਇੱਕ ਥਾਂ ਤੇ ਜੇ ਕੰਮ ਮੁਕਾਵੇ
ਦੂਜੀ ਥਾਂਵੇਂ ਭੱਜਿਆ ਜਾਵੇ
ਕੋਲ ਉਸ ਦੇ ਸੱਭ ਹੱਥਿਆਰ
ਉਸ ਦਾ ਹੁਨਰ ਤੇ ਉਸ ਦੀ ਕਾਰ।
No comments:
Post a Comment